Zhoao Feliks është një ndër lojtarët më të kërkuar këtë merkato, me 19-vjeçarin që ka mahnitur me paraqitjet e tij me Benfikën. Së fundmi, talenti është i angazhuar me Kombëtaren e Portugalisë, ku një natë më parë siguroi kualifikimin për në finalen e “Nations League”.
Pas përfundimit të ndeshjes ndaj Zvicrës, e cila u fitua 3-1, ishte vetë Zhoao Feliks, i cili foli mbi të ardhmen e tij dhe qartësoi gjithçka. “Për momentin jam i fokusuar në Kombëtare dhe në ‘Nations League’. Kur ky kompeticion të mbarojë, atëherë do të flas mbi zgjedhjen time”.
Zhoao Feliks kërkohet nga Mançester Siti, Mançester Junajtid si dhe Juventusi. Klauzola e lirimit nga Benfika është plot 120 milionë euro, me të tre këto klube që janë të gatshëm ta paguajnë.