Zëvendëspresidenti i Flamengos, Ualim Vaskonselos, ka lëshuar një mesazh të qartë për të ardhmen e sulmuesit brazilian, Gabriel “Gabigol” Barbosa. Sipas numrit 2 të klubit brazilian, Flamengo ka kapacitetin financiar për të nënshkruar përfundimisht me Gabigol, nëse vetë lojtari dëshiron të qëndrojë.
“Ne kemi gjithnjë e më shumë para, por gjithçka varet nga lojtari. Është e drejta e tij që të vendosë nëse dëshiron të qëndrojë me ne, apo do të rikthehet te Interi. Unë mund të them që tani kemi paratë i kemi gati, të mos keni asnjë dyshim për këtë.
Kemi financat e duhura për të ndërtuar një skuadër të nivelit më të lartë. Flamengo ka një të ardhme të ndritur përapar”, u shpreh Vaskonselos. Gabigol aktualisht është në huazim te Flamengo deri në fund të dhjetorit të këtij viti.