Çelsi dhe Atletiko kanë arritur një marrëveshje përfundimtare për transferimin e Alvaro Moratës në “Wanda Metropolitano”. Në kontratë përfshihet qëndrimi edhe një vit tjetër në formën e huazimit e më pas në verën e ardhshme do të pasojë blerja e sulmuesit nga klubi madrilen.
Lajmi është bërë i ditur nga Atletiko në “Twitter”. Morata shkoi në Madrid pas një aventure negative te Çelsi, ku nuk arriti të përshtatet dhe të lërë gjurmë. Ai debutoi më datë 3 shkurt te Atletiko.
Gjatë periudhës gjashtë mujore te Atletiko sulmuesi ka shënuar 6 gola në 17 ndeshje gjithsej. Nën drejtimin e Simeones 26-vjeçari ka gjetur veten dhe spanjollët po kërkonin me ngulm ta blinin, kurse londinezët tentuan ta rikthejnë. Tashmë vendoset përfundimisht për të ardhmen e sulmuesit.
? | Acuerdo con el @ChelseaFC_Sp para el traspaso de @AlvaroMorata a partir del 1 de julio de 2020. Nuestro delantero jugará esta temporada en calidad de cedido y su traspaso definitivo se hará efectivo al inicio de la 2020-21
? https://t.co/SR4HRjmAuY#AúpaAtleti pic.twitter.com/OjiLeoyk77— Atlético de Madrid (@Atleti) July 6, 2019