Portieri kuqezi, Thomas Strakosha bëri një ndeshje relativisht të mirë përballë Napolit, por në disa raste ishte i pavëmendshëm dhe loja e tij me këmbë la për të dëshiruar. Si pasojë, mediat italiane kanë qenë të ashpra në vlerësimin për gardiani shqiptar, me “Gazzetta Dello Sport” që i ka vënë notën më të ulët.
Goli i Kahejon ishte në shtyllë të parë dhe të gjithë prisnin më shumë nga Strakosha, por te goli i Milik, të gjithë ishin të shtangur. Strakosha bëri dhe disa pritje spektakolar, ku bie në sy ajo e minutave të para ndaj sulmuesit Milik. Gjithsesi, kjo ndeshje me ulje-ngritje nuk iu ka pëlqyer aspak mediave italiane, të cilat duken të zhgënjyera me paraqitjen e një prej portierëve më të mirë në Serie A.