Partizani i plotë para Teutës, Hila dhe Trashi të gatshëm për Gegën

0

Partizani do të luajë në fundjavë një ndeshje shumë të vështirë, atë përballë Teutës, skuadër që po bën një sezon shumë pozitiv deri më tani. Duke parë vështirësinë e ndeshjes, Gega do të preferonte t’i kishte të gjithë të gatshëm dhe duket se fati i ka buzëqeshur.

Trashi është i gatshëm për këtë sfidë, pasi pezullimin prej kartonëve të verdhë e shleu kundër Tiranës. Përveç mbrojtësit të majtë, i gatshëm për Partizanin do të jetë dhe mesfushori Ardit Hila.

Ky i fundit pati munguar për një periudhë shumë të gjatë për shkak dëmtimi dhe vetëm javën e kaluar iu bashkua skuadrës në stërvitje. Për derbin kundër Tiranës, Hila nuk ia doli të ishte i gatshëm, por në sfidën e kësaj jave kundër Teutës, mesfushori mund të vihet nën urdhrat e Gegës.

You might also like

Leave A Reply

Your email address will not be published.