Shqipëria U21 ka luajtur një miqësore sot përballë bashkëmoshataravë te Uellsit, sfidë që është mbyllur 2-1 në favor të kuqezinjve. Të dy golat për të besuarit e Alban Bushit janë shënuar nga sulmuesi i akademisë së Çelsit, Broja.
17-vjeçari shënoi fillimisht në minutën e 48’, duke zhbllokuar sfidën. Më pas, në minutën e 60’, Broja shënon sërish, duke dyfishuar avantazhin e kuqezinjve tanë. Uellsi do të shkurtonte diferencat në minutën e 80’ me anë të Pjuh, por Shpresat ia dolën që të ruanin rezultatin deri në fund dhe të merrnin fitoren në këtë miqësore.
Miqësore, U-21
Shqipëri – Uells 2-1
Broja 48’ 60’ / Pjuh 80’
