Nuk ka shkuar siç pritej sezoni i parë i Valon Berishës në Itali. Futbollisti i Lacios ka qenë pafat përsa i përket dëmtimeve muskulore, që këtë sezon kanë qenë të shumta, më konkretisht pesë të tilla që e lënë për muaj të tërë në infermierinë e skuadrës kryeqytetase.
Ditën e sotme mediet italiane kanë konfirmuar se 26-vjeçari do t’i nënshtrohet një tjetër operacioni. Kësaj radhe bëhet fjalë për një dëmtim në gju. Analizat e kryera në Barcelonë konfirmuan dëmtimin e rëndë. Berishës do t’i duhet të qëndrojë jashtë fushave deri në muajin qershor.
Mesfushori me tipare sulmuese e mbyll sezonin e tij të parë në Serie A me vetëm 192 minuta dhe tetë aktivizime.