Tre ditë më parë Besar Musolli dhe Kukësi ndërprenë me marrëveshje kontratën pas një bashkëpunimi 7-vjeçar. Por, në një njoftim të fundit, klubi verilindor ka bërë të ditur se mes mesfushorit dhe presidentit Gjici është arritur një marrëveshje e re dhe lojtari do të vazhdojë të jetë pjesë e Kukësit.
Në njoftimin e publikuar në llogarinë e klubit në “Facebook” thuhet se Musolli do të vazhdojë të jetë pjesë e Kukësit dhe mbas përfundimit të rehabilitimit nga dëmtimi në gju, 29-vjeçari do të rikthehet sërish në fushën e blertë.