Ajaksi po mundohet të evitojë ikjen e sa më shumë yjeve nga ekipi. “Dalily Mail” raporton se mesfushorit Doni Van de Bek do t’i ofrohet një komtratë e re nga klubi holandez. Drejtuesit duan ta mbajnë atë edhe dy vite të tjerë në “Johan Cruyf Arena”. Pasi firmosi qëndrimin e Nikolas Taliafikos, ata po synojnë edhe mbajtjen e mesfushorit 22-vjeçar që ka spikatur me fantazinë dhe talentin e tij.
Për të interesohen shumë gjigantë të Evropës. Totenhem e dëshiron si zëvendësues të Eriksen në rast largimi te Reali i Madridit. Borusia Dortmund dhe Bajerni i Mynihut janë gati të paguajnë mbi 60 milionë euro për ta bërë të tyrin. Së fundmi edhe Barcelona është vënë në sulm për yllin holandez. Katalanasit duan ta bashkojnë me De Jong për të formuar një dyshe që kombinohen me sy mbyllur për të kthyer “Tiki-Taka-n” e famshme.