Koret raciste, Arsenali e Valencia bashkëpunim për ndëshkimin e tifozëve

0

Valencia luajti mbrëmjen e së enjtes në “Emirates Stadium” kundër Arsenalit në gjysmëfinalen e parë mes dy skuadrave në Europa League dhe ekipi spanjoll u mund 3-1 nga “Topçinjtë” e Londrës. Humbja duket se ka kaluar në plan të dytë dhe ajo që klubi spanjoll nuk ka duruar, janë koret raciste që janë përdorur kundrejt lojtarëve të tyre.

Sipas tyre, tifozët e Arsenalit kanë qenë të “pështirë”, kanë përdorur kore raciste dhe kanë bërë gjeste majmunësh kundrejt lojtarëve të tyre me ngjyrë. Klubi anglez i është bashkuar Valencias dhe të dyja palët duket se janë gati për të indentifikuar dhe për të ndëshkuar tifozët që kanë bërë veprime të tilla.

Menjëherë pas ndeshjes, disa video nga shkallët e stadiumit janë shpërndarë në rrjetet sociale, ku shihen të dyja tifozeritë duke bërë veprime raciste, nga gjestet si majmum deri te përshëndetja si “Nazi”. Të dyja skuadrat duket se do të bashkëpunojnë për zgjidhjen sa më parë të këtij problemi.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.