Gjimshiti drejt largimit, në Serie A ka interesim për të

0

Berat Gjimshiti nuk po gjen hapësira tek Atalanta dhe emri i tij ka nisur të lakohet në Itali për një largim të mundshëm që në muajin janar. Qendërmbrojtësi është aktivizuar vetëm në tre takimet e para të kampionatit dhe më pas ka ngrohur stolin.

Klubi që interesohet për të është Frozinone. Italianët synojnë qëndrimin në Serinë A dhe për këtë duhet të përmirësohen në prapavijë. Vetëm Kievo e vendit të fundit ka pësuar më shumë deri më tani, 26 gola, dy më shumë se skuadra e drejtuar nga Moreno Longo.

Gjimshitit i përfundon kontrata me Atalantën në verë dhe duke parë se nuk pa luan, për të zgjidhja më e mirë do të ishte të largohej diku ku mund të aktivizohet. Një vit më parë luajti rregullisht te Benevento dhe Frozinone do ia mundësonte diçka të tillë.

You might also like

Leave A Reply

Your email address will not be published.