Finalja e së premtes, Gjoka parashikon: Rihapet gara për titull

0

Java e 26-të e Kategorisë Superiore nis ditën e premte, teksa do të luhet në Shkodër kryendeshja Kukësi-Partizani. Të kuqtë kryesojnë dhe kanë 9 pikë më shumë se skuadra verilindorë, që synon titullin kampion. Kukësi e ka fituar këtë trofe para dy vitesh dhe në krye ishte tekniku Ernest Gjoka. Ky i fundit flet për SportEkspres.com dhe këtë sfidë e konsideron si një finale dhe mundësi që afrimet të tregojnë vlerat e tyre.

“Kukësi-Partizani është realisht kryendeshja e javës. Për skuadrën kuksiane është si një finale për kreun e renditjes. Mendoj se Kukësi i ka cilësitë e mundësitë që ta fitojë këtë sfidë. Duke qenë edhe 11 javë kampionat, të gjitha mundësitë janë që pas kësaj ndeshjeje Kukësi të tregojë se blerjet e reja janë vendimtare për synimin final”, shprehet fillimisht Gjoka.

Më tej ai shtoi: “Kukësi ka përbërje më të mirë se Partizani, por blerjet e fuqishme ende nuk kanë folur në fushën e lojës. Partizani ka një grup më solid dhe deri këtu ka ardhur me meritë, ndaj mendoj se të premten do të shohim një nga finalet për titullin kampion”.

AGRON KAJA

You might also like

Leave A Reply

Your email address will not be published.