Kukësi ka fituar Kupën e Shqipërisë. Verilindorët arritën të triumfonin 2-1 përballë Tiranës, falë golave të Shkurtajt dhe Rexhinaldos. Që në minutën e katërt të takimit, Shkurtaj arriti të kalojë në avantazh verilindorët, që e mbyllën pjesën e parë në epërsi. Tirana u zgjua në pjesën e dytë dhe arriti të barazojë në minutën e 67’, me anë të sulmuesit Ngo, por 10 minuta më vonë, Rexhinaldo shënon të dytin për Kukësin, gol që vendosi finalen e Kupës së Shqipërisë.
EPISODET –
90’ – Ndeshja mbyllet mes tensionit. Dokën e tradhëtojnë nervat dhe i vërsulet brazilianit Kordeiro. Kaq ka mjaftuar që të agravojë situata mes lojtarëve të dy skuadrave.
86’ – E pabesueshme çfarë humbet Ngo. Shtatlarti i sulmit është totalisht i lirë brenda zonës dhe godet me kokë, por gjuajtja e tij shkon shumë larg kuadratit. Te stoli i Tiranës nuk i besojnë syve
77’ – Gooool Kukësi, shënon Rexhinaldo. Rama pason bukur drejt qendrës për Shkurtajn, i cili shërben menjëherë partnerin e tij të sulmit,që nuk e ka të ështirë të shënojë.
67’ – Gooool Tirana, shënon Ngo. Sulmuesi i bardhebluve merr një pasim të bukur nga Greca dhe shënon me të djathtë, duke mposhtur Frashërin dhe pas një devijimi të Cuculit.
50’ – Shpëton mrekullisht porta e Tiranës. Limaj i shpëton mirë prapavijës bardheblu dhe godet me kokë, por shkon mbi kuadrat
47’ – Greca shkëputet mirë nga e majta dhe shërben në qendër për Ngo, i cili shënon, por numri 7 i bardhebluve ishte dukshëm në pozicion të parregullt.
45’ – Mbyllet pjesa e parë në “Elbasan Arena”, vendos gol i Shkurtajt që në minutën e katërt
43’ – Tirana shfaqet më në fund te porta e Kukësit, duke krijuar një rast të mirë me anë të Ngo. Megjithatë, anglezi nuk e kontrollon mirë dhe Frashëri shkelmon
41’ – Rama jep një pasim perfekt për Shkurtajn, i cili i shpëton mbrojtjes së Tiranës. Megjithatë, Imami është i shpejtë dhe rikthehet për të mbyllur.
7’ – Një tjetër rast i shkëlqyer për Kukësin. Kordeiro jep një pasim perfekt për Shkurtajn, i cili i vetëm përballë portierit gabon.
4’ – Gooool Kukësi, shënon Shkurtaj. Rexhinaldo dhe Rama kombinojnë mirë me njëri-tjetrin, por gjuajtja e mozambikasit në fund pritet nga Lika. Megjithatë, Rama e rikuperon sërish topin dhe shërben për Shkurtajn, i cili shënon.
1′ – Fillon takimi në “Elbasan Arena”
KUPA E SHQIPËRISË, FINALE
E diel, 2 qershor ora 19:00
Stadiumi “Elbasan Arena”, Elbasan
Kukësi – Tirana 2-1
Shkurtaj 4′, Rexhinaldo 77′ / Ngo 67′
Kukësi: Frasheri, Et’hemi, Teqja, Cuculi, Rrumbullaku, Kordeiro, Musolli, Rroca (Limaj 46′), Rama (Cyrbja 90′), Rexhinaldo (Dzaria 80′), Shkurtaj. Trajner: Ernest Gjoka
Tirana: Lika, Kërçiku, Goxha (Turtulli 43′), Imami, Hoxhallari (Ismailgeci 83′), Maveje (Celhaka 46′), Hasani, Doka, Kobina, Greca, Ngo. Trajner: Ardian Mema
Kartonë të verdhë: Et’hemi 83′ / Hoxhallari 16’, Celhaka 72′, Greca 85′, Kërçiku 90′, Doka 90′