Roma u shfaq më kërkuese në minutat e para të takimit, por golin e parë e shënuan vizitorët nga Milano. Paketa i rrëmben topin Pelegrinit dhe harkon në zonë një top që dërgohet në rrjetë nga Piatek, i cili shënon golin e parë në Serie A me fanellën e “djallit” në minutën e 26-të.
Roma baraspeshon rezultatin pak sekonda pas fillimit të pjesës së dytë me anë të Zaniolos. Verdhekuqtë marrin kontrollin e lojës, por nuk arrijnë të çajnë mbrojtjen e Milanit dhe portierin Donaruma. Në minutat e fundit të takimit, djemtë e Gatuzos rimarrin veten dhe testojnë në disa momente portierin Olsen.
Qui il VAR non si poteva consultare?? #RomaMilan pic.twitter.com/4zsj7bN8ok
— Haris Mrkonja N1 (@harismrkonjan1) February 3, 2019
Një ndër episodet më të diskutueshëm të ndeshjes ishte një ndërhyrje e Kolarov ndaj Susos, por pavarësisht protestave të lojtarëve të Milanit, gjyqtari i takimit nuk përdor sistemin “VAR”. Me siguri polemikat për këtë vendim do të jenë të shumta në Itali.