Nejmar Zhunior me sa duket është i destinuar të largohet nga PSG. Braziliani duket se nuk është më i lumtur në Paris dhe kërkon të transferohet në një ekip tjetër. Ishte përfolur kohët e fundit, që sulmuesi mund t’i bashkohet Realit të Madridit dhe me sa duket nuk kanë qenë aspak lajme boshe.
Një natë më parë në “El Chiringuito”, një nga gazetarët në panel, ka zbuluar se Nejmar ka folur me Marselon, duke i treguar dëshirën e tij për të kaluar në Madrid sezonin e ardhshëm. “Nejmar i ka shkruar në ‘Whatsapp’ një lojtari të Realit të Madridit, më saktë një braziliani dhe i ka thënë që sezonin e ardhshëm do të luajë në Madrid.”
?¡EXCLUSINDA! #Inda: “NEYMAR le ha dicho a MARCELO que quiere jugar en el REAL MADRID la temporada que viene”. #ChiringuitoInda pic.twitter.com/QWaFdJSWeT
— El Chiringuito TV (@elchiringuitotv) April 29, 2019
Më pas, drejtuesi i emisionit e pyet gazetarin nëse braziliani është Kasemiro apo Marselo, me gazetarin që pranon se është Marselo. Madje, siç shihet dhe në video ai shton se e ka parë vetë mesazhin dhe nuk është diçka që atij ia kanë thënë.