Trajneri i Çelsit, Maurisio Sarri ka mbrojtur lojtarin e tij, Gonzalo Higuain, i cili është kritikuar në shumë raste nga mediat britanike, por dhe nga tifozët e Bluve të Londrës. Sarri tha se për një sulmues, është shumë e vështirë që të ambientohet në Premier Ligë, duke dhënë dhe shembullin e Suarezit:
“Mendoj që ai duhet të përmirësohet fizikisht dhe psikologjikisht. Gjithashtu mendoj se do të jetë një lojtar shumë i rëndësishëm për ne në pjesën e mbetur të sezonit. E dini shumë mirëq që nuk është e lehtë të ambientohesh në Premier Ligë që në muajt e parë. Problem e ka pasur dhe Luis Suarez. Në sezonin e tij të parë te Liverpuli, ai shënoi vetëm katër gola, ndërsa në sezonin e dytë 17.
Kështu që nuk është aspak e lehtë për një sulmues që të luajë menjëherë në ritmet më të larta në Premier. Mendoj se Higuain ka ende kohë që të përmirësohet”, përfundoi Sarri.