Bajerni nuk ndalet në ofensivën e tyre për të transferuar në Bavari Leroi Sane. Gjermanët e kanë të domosdoshme afrimin e të paktën një sulmuesi krahu. 23-vjeçari nuk pranon të rinovojë me Sitin dhe shtyn klubin ta shesë. Bajerni prej kohësh e ka treguar hapur se po punon për të rënë dakort me kampionët e Anglisë.
Megjithatë, Pep Guardiola në një intervistë deklaroi se nuk ka ardhur asnjë ofertë drejt Sitit për Sane dhe shpreson që lojtari të qëndrojë në “Etihad Staduim”. Kjo deklaratë e trajnerit spanjoll ka nxitur reagimin e drejtorit të kampionëve gjerman, Rumenige.
Ai ka lënë të kuptohet se kanë nisur oferta drejt Sitit dhe do vazhdojnë të punojnë për të. Drejtuesi bavarez shprehet se Guardiola nuk e di se ç’ndodh në klubin ku punon. “Nuk e di nëse Pep di gjithçka që ndodh në klubin e tij. Sa i përket Sane, në momentin që do të kemi diçka për t’jua komunikuar, do e bëjmë. Për momentin nuk jemi në atë fazë”, deklaroi Rumenige.