Rumenige gëzon tifozët, i ofron rol drejtues një legjende të Bajernit

0

Një ndër futbollistët ikonë të Bajernit të Mynihut është padyshim Bastian Shvajnstajger. Ish-mesfushori i bavarezëve, kaloi plot 13 vite në Mynih, përpara se të kalontë në Angli te Mançester Junajtid në vitin 2015.

Tashmë, gjermani luan në MLS me ekipin e Çikagos dhe ende nuk e ka mbyllur me futbollin. Gjithsesi, në momentin që do të tërhiqet nga futbolli i luajtur, duket se Karl Hajnc Rumenige, i ka rezervuar një vend në bordin drejtues të Bajernit.
Këtë gjë Rumenige e ka thënë së fundmi për mediat gjermane, ku ka shprehur dëshirën e tij për ta parë Bastianin në rolin e një drejtuesi të ekipit bavarez. Tashmë, mbetet për t’u parë se çfarë mendon për Shvajnstajger për këtë ide, edhe pse për klubin që dashuron, zor se mund ta refuzojë.

You might also like
Leave A Reply

Your email address will not be published.