Roma ka mbyllur me sukses negociatat për mbrojtësin e Atalantës Xhanluka Mançini. “Sky Sports” raporton se futbollisti 23-vjeçari do të transferohet në kryeqytet me një marrëveshje huazimi me detyrim blerje në fund të sezonit për 20 milionë euro.
Me largimin e Mançinit pritet që hapësirat e Berat Gjimshitit të shtohen akoma më shumë. Qendërmbrojtësi shqiptar e pati mjaft të vështirë të zinte një vend në formacionin titullar gjatë sezonit të kaluar, duke qëndruar në stol një periudhë, por me kalimin e kohës 26-vjeçari ia doli të bindte teknikun Gasperini me paraqitjet e tij.