Pavarësisht moshës 33-vjeçare, Radamel Falkao mbetet një sulmues dhe goleador i frikshëm. Kolumbiani ka edhe një vit kontratë me Monakon, por aventurës në Principatë i ka ardhur fundi.
Gallatasaraji e kërkon Falkaon dhe Monako është gati të nisë bisedimet. Kampionët e Turqisë janë ambiciozë dhe duan të shkojnë sa më larg të jetë e mundur në Champions Ligë.
Nuhatja e golit dhe eksperienca e “El Tigre” vlerësohen shumë nga Gallata, që është gati të plotësojë kërkesat e lojtarit dhe klubit francez. Edhe Porto po monitoron situatën dhe dëshiron rikthimin e Falkaos tek ekipi ku kaloi dy sezone të mrekullueshme.