Armando Broja ishte një ndër protagonistët e grumbullimit të kombëtares U19 dhe U21. Sulmuesi 17-vjeçar gjeti rrugën e rrjetës në katër miqësoret e zhvilluara gjatë muajit qershor me grupmoshat e kombëtares sonë. Në një intervistë për “Supersport” talenti i akademisë së Çelsit ë , ku ka shpjeguar se fati e çoi atë tek akademia e Çelsit, ekip me të cilin është dhe tifoz.
“Në moshën 5-vjeçare prindërit më çuan në stërvitje. Luajta për katër vite me atë ekip derisa në një turne më pikasi një skaut i Totenhemit. Ai foli me prindërit dhe u paraqita mirë në ndeshjen e provës. Aty qëndrova dy vite”.
“Në një ndeshje kundër Çelsit u futa si rezervë në pjesën e dytë. Kur u futa unë rezultati ishte 2 – 0, shënova një gol dhe asistova tjetrin. Aty më panë për herë të parë. Më pas në një ndeshje tjetër mes ekipeve rezervë të grupmoshave shënova 9 gola, pas kësaj ndeshje ata më kontaktuan dhe thanë hajde te ne. Ishte diçka shumë e bukur pasi kam qenë që i vogël tifoz i kësaj skuadre”.
“Jam stërvitur disa herë me ekipin e parë dhe me skuadrën U21. Shpresoj që në të ardhmen nëse bëj mirë pse jo të mos kaloj një grupmoshë më lart te skuadra U21”, përfundon Broja.