Juventusi zyrtarizoi ditën e djeshme trajnerin e ri Mauricio Sarri, të cilin e mori nga Çelsi. Me londinezët, italiani kishte edhe dy vite të tjera kontratë dhe klauzola e lirimit ishte gjashtë milionë euro.
Gjithsesi, siç raportohet nga mediat italiane, drejtuesit e bardhezinjve kanë paguar vetëm 1 milion euro për të liruar Sarrin nga Çelsi.
Me të vërtetë një shifër qesharake, kur bëhet fjalë për një trajner si Mauricio Sarri. Rol të rëndësishëm mendohet të ketë luajtur dëshira e trajnerit italian, i cili mund të ketë bindur anglezët për ta lënë të lirë.