Dëshira e madhe e Milanit, një emër i ri për postin e Gatuzos

0

Rezultatet e fundit negative kanë vënë në rrezik rikthimin e Milanit në Champions Ligë. Kuqezinjtë vazhdojnë të renditën në vendin e katërt, por gara është komplikuar dhe ndjekësit janë afruar.

Xhenaro Gatuzo rrezikon postin e tij. Trajnerit i duhet të arrijë objektivin e madh, përndryshe e ardhmja e tij do të jetë larg Milanelos. Rino ka edhe dy vite kontratë me Milanin dhe shkarkimi i tij do i sillte klubit një faturë prej 10 milionë eurosh.

Siç raporton “Corriere dello Sport”, në rast të një shkarkimi të mundshme të Gatuzos (preferohet shumë nga Roma, me Totin sponsorin e tij të madh), do të jetë Ivan Gazidis ai që do zgjedhë trajnerin e ri.

Mauricio Poçetino

Shefi ekzekutiv i “Djallit” preferon një emër të njohur nga Premier Liga. Ai është Mauricio Poçetino, trajneri i Totenhemit. Një nga pikat më të forta të argjentinasit është puna e mirë me lojtarët e rinj dhe rritja e tyre.

47-vjeçari përfiton një rrogë prej 7 milionë eurosh në sezon. Ai dëshiron të provojë një eksperiencë të re në fund të sezonit dhe Milani mund të ishte një opsion fantastik për të.

You might also like

Leave A Reply

Your email address will not be published.