Pa gol prej një muaji, Edinson Kavani është kthyer fuqishëm dhe sot i ka shënuar 3 gola Monakos, me PSG që ka triumfuar 4-0, duke fundosur edhe më tej Monakon e drejtuar nga Tieri Henri.
Ishte një ndeshje pa histori që në start, në fakt, sepse PSG e ka nisur kampionatin me ritëm absurd, duke fituar sot ndeshjen e 13-të rresht dhe duke luajtur vetëm për rekorde, ndërsa Monako e nisi ndeshjen pa gjysmë ekipi për dëmtime dhe që në pjesën e parë u dëmtua edhe Çadli.
Kavani shënoi në minutat, 4, 11 e 53, me dy golat e parë që u anuluan fillimisht dhe më pas VAR korrigjoi gjithçka. Në minutën e 64-t Mbape fitoi një penallti të transformuar me qetësi nga Nejmar, i cili ka mbërritur në kuotën e 10 golave në 11 ndeshje në Ligën 1.
45 gola në 13 ndeshje për PSG, rekord absolut në Francë.
45 buts pour le @PSG_inside en @Ligue1Conforama après 13 journées : le record du #racingparis en 1959-1960 et @ASSEofficiel en 1969-1970 est tombé #ASMPSG
— michel kollar (@michelkollar) November 11, 2018