Lacio ngriti për të shtatën herë në histori trofeun e Kupës së Italisë. Skuadra kryeqytetase festoi në “Olimpico” pasi mundi Atalantën me rezultatin 2 – 0. Skuadra e Inzagit nuk e filloi siç duhet takimin, por gjatë pjesës së dytë Atalanta shfaqi shenja lodhje dhe kjo gjë u shfrytëzua mjaft mirë nga kryeqytetasit.
Milinkoviç-Saviç zhbllokoi takimin në minutën e 82-të, ndërsa pak minuta më vonë argjentinasi Korrea shënon golin e nokautit.
Berat Gjimshiti dhe Thomas Strakosha luajtën 90 minuta në këtë takim, ndërsa Etrit Berisha pa gjithçka nga stoli i rezervave, diçka kjo që është bërë rutinë te bergamaskët gjatë muajve të fundit.
Lacio 2 – 0 Atalanta