Mauro Ikardi ishte shumë pranë realizimit të një goli historik. Argjentinasi është një “bomber” me instinkte të lindura dhe iu deshën vetëm katër sekonda lojë për të gjetur traversën në ndeshjen ndaj Napolit.
Sapo arbitri Macoleni fishkëlleu për fillimin e ndeshjes, 25-vjeçari shkelmoi topin me të djathtën. Por, nuk ishte e shkruar që 25-vjeçari t’i shtonte “portofolit” të tij një gol që s’do ta harronte kurrë, pasi traversa i erdhi në ndihmë portierit të Napolit, Aleks Meret.