Kombëtarja shqiptare vijon përgatitjet në Gjermani, në kuadër të ndeshjeve të kualifikueseve të ndaj Islandës dhe Moldavisë. Në seancën e mëngjesit mesfushori Amir Abrashi u stërvit i veçuar, ndërsa në pasdite një tjetër lojtar u nda nga grupi për shkak dëmtimi.
Bëhet fjalë për mbrojtësin Ardian Ismajli, i cili u pa teksa kryente vrapime rreth fushës gjatë seancës së orës 17:00. Futbollisti që aktivizohet në Kroaci me Hajduk Split ka pësuar një dëmtim muskulor në kofshën e djathtë.
Komuniteti shqiptar në Frankfurt nuk e ka lënë pa shfrytëzuar ardhjen e kombëtares në qytetin e tyre. Seanca e sotme stërvitore u ndoq nga një numër i vogël mbështetësish të ekipit tonë kombëtar.