“Të paguash për t’u ofenduar!”, gruaja e Bufonit tërbon napoletanët

0

Një koment i Ilaria D’Amikos ka krijuar shumë polemika në Itali, sidomos në kampin napolitan. Tifozët e ekipit të Ançelotit janë ndjerë keq dhe kanë shpërthyer në rrjetet sociale kundër platformës Sky Sport.

Prezantuesja e njohur, njëkohësisht gruaja e Xhixhi Bufon, ka gabuar gjatë komentit të saj për krahasimin e tifozëve të Ajaksit me ata të Napolit. Ultrasit holandezë tentuan të krijojnë zhurmë në hotelin ku ishte vendosur ekipi italian, me qëllim shpërqendrimin e tyre.

“Tifozët e Ajaksit kanë shqetësuar Juventusin me zjarr dhe fuqi. E njëjta qasje si ajo e tifozëve napolitanë…”, është shprehur D’Amiko. Këto fjalë nuk i kanë pëlqyer aspak tifozëve të Napolit, të cilët janë të abonuar në “Sky Sport”, por jo vetëm.

Tifozët e Napolit

“Të paguash kaq shumë para për t’u ofenduar është jashtë çdo lloj logjike”, ka qenë pak a shumë ideja e tifozëve të zhgënjyer, të cilët kanë premtuar se nuk do të rinovojnë më me këtë platformë, madje shumë prej tyre e kanë anuluar abonimin.

Komentet kanë vërshuar. Disa kanë kërkuar që Sky të pezullojë 45-vjeçaren, të tjerë kërkojnë më shumë respekt për Napolin. Dikush shkon edhe më tej, duke i kujtuar D’Amikos se 120 tifozë të Juventusit u larguan nga Holanda, pasi u gjeten me thika dhe shkopinj.

You might also like
Leave A Reply

Your email address will not be published.