Milani bëri një merkato janari shumë aktive, duke sjellë Piatek dhe Paketa, si dhe duke lënë të lirë Gonzalo Higuain. Flitej shumë se kuqezinjtë do të arrinin të siguronin edhe firmën e sulmuesit francez, Alan Seint-Maksimin, 21-vjeçari që mbron ngjyrat e Nisës.
Sipas mediave italiane, një marrëveshje është arritur dhe Maksimin do të transferohet në muajt e verës në Milano. Edhe pse jo ende e konfirmuar zyrtarisht, tifozët kuqezi kanë “pushtuar” Instagramin e sulmuesit, duke i uruar mirëseardhjen.
Vetëm 21-vjeçari francez ka postuar një foto disa çaste më vonë, me mbishkrimin: “Është thjesht çështje kohe…!” Me shumë gjasa, me hapjen e merkatos së verës, Maksimin do të jetë lojtar i Milanit.