Trajneri i Interit, Luçiano Spaleti, beson se skuadra e tij mund ta mposhtë Juventusin. Gjithashtu, tekniku italian ka folur edhe për gjendjen fizike të mesfushorit Marselo Brozoviç. Kroati është një nga lojtarët më të rëndësishëm të zikaltërve.
“Prezenca e Marselo Brozoviç do të jetë shumë e rëndësishme për ne, pasi ai i ka karateristikat e duhura për t’u përplasur me mesfushën e Juventusit. Tifozët? Shpresoj të jenë sa më të shumtë, pasi jemi në garë për një vend në Champions League dhe na duhet çdo suport i mundshëm”, tha Spaleti.
Në lidhje me bardhezinjtë, trajneri i Interit shtoi: “Juventusi do të luajë me të njejtën strategji, dominuar nga lojtarët e tyre me shumë cilësi të mira individuale. Ne duhet të ruajmë përqendrimin, të jemi të qetë, të ruajmë balancat dhe do të fitojmë”.