Skënderbeu edhe këtë sezon nuk do të luajë në kupat e Europës. Korçarët ende nuk ka nisur përgatitjet dhe kjo është një shenjë e qartë, ndërkohë që nga ana tjetër klubi i Laçit ka lëvizur dhe prej një jave po përgatitet për të luajtur në arenën ndërkombëtare.
Klubi kurbinas, në rrjetet sociale gjithashtu tregon se po përgatiten për shortin që do të hidhet me 18 qershor. Sikurse kuptohet, te Laçi e kanë të sigurt pjesëmarrjen në kupat e Europës dhe po mendojnë për përforcimet.
Një vit më parë ata arritën të kalojnë turin e parë, madje duke eliminuar Anorthosis Famagusta, dukshëm favorit në letër. Në turin e dytë u thyen nga Molde, që drejtohet nga trajneri aktual i Mançester Junajtid, Ole Gunar Solskjaer.