Atletiko Madrid ka një shans të artë për të kaluar në krye të renditjes së kampionatit spanjoll. “El Colchoneros” presin nesër në kryeqytetin spanjoll, Barcelonën. Tekniku i Atletikos, Diego Simeone nuk i kurseu elozhet për kundërshtarët, duke i konsideruar ata si skuadra më e mirë në botë.
“Barcelona ka qenë gjithmonë skuadra më e mirë në botë, pavarësisht se në Champions kanë pasur shumë luhatje gjatë viteve të fundit. Në Spanjë ata janë të shkëlqyer dhe skuadra është e aftë të luajë në forma të ndryshme, duke iu përshtatur çdo kundërshtari”.
KONTRATA E OBLAK – “Oblak na e ka bërë të qartë se çfarë kërkon nga klubi. Ne kemi dëshirë të vijojmë bashkëpunimin me të, pasi të gjithë e dimë se sa i rëndësishëm është ai për Atletikon”, përfundoi Simeone.