Bledi Shkëmbi nuk i kurseu kritikat për lojtarët e tij në intervistën e dhënë në përfundim të takimit të humbur ndaj Flamurtarit. Trajneri i ekipit durrsak u shpreh se disa nga lojtarët me peshë të ekipit nuk janë në gjendje për të luajtur 90 minuta.
KRIZA E SKUADRËS – “Nuk po arrijmë ta gjejmë as vetë. Po pësojmë gola, po humbim raste. Ajo që është më alarmante është se lojtarët kryesorë, ata me peshë po gabojnë javë pas jave. Kishim besim. U munduam dhe luajtëm mirë, por ndoshta ishte goli i dytë ai që na i preu shpresat”.
NDRYSHIMET – “Tani patjetër diçka duhet të ndryshojë. Ndonjë nga titullarët nuk është i gatshëm të luajë 90 minuta. Disa nga lojtarët nuk janë mirë psikologjikisht dhe fizikisht. Ndeshje tjetër është shpejt dhe unë si trajner duhet të marrë ndonjë masë që disa prej lojtarëve “veteran” s’do t’i pëlqejë”.
SKUADRA NËN PRESION – “Nuk kemi probleme që të ketë presion psikologjik. Nuk kemi probleme, lojtar-klub, lojtar-staf ose anasjelltas. Edhe sot bëmë të njëjtin gabim që kishim bërë ndeshjet e fundit, ne i shënojmë gol portës, tonë kjo është më e çuditshmja”.