Mauricio Sarri ka kaluar një verë me shumë ngjarje. Si fillim erdhi shkarkimi nga De Laurentis dhe më pas historia vijoi me bllokimin që presidenti napolitan i bëri trajnerit si shenjë hakmarrje për ndasitë midis tyre.
Në një intervistë për gazetën italiane “Il Mattino”, Sarri ka rrëfyer eksperiencën disi të çuditshme të shkarkimit të tij: “Isha duke darkuar me disa miqtë e mi në një restorant kur pashë në televizor prezantimin e Ançelotit. Ishte një eksperiencë që nuk ia uroj asnjë kolegu”.
Eksperienca në Angli ka nisur si mos më mirë për ish-bankierin. Katër fitore në katër ndeshjet e para e kanë çuar Çelsin në krye të tabelës, por mbetet për t’u marrë nëse skuadra e tij do ta ruajë ritmin e fillimit të sezonit.