Pep Guardiola mund të humbasë shërbimet e Leroi Sane këtë merkato vere, pasi Bajerni i Mynihut vazhdon të insistojë për sulmuesin. Një ofertë rreth 100 milionë euro do i bindë drejtuesit e Sitit, që do e lejojnë gjermanin të largohet.
Një largim i mundshëm i Sane, nuk e ka zënë të papërgatitur Guardiolën, që e ka gjetur zëvendësuesin. Bëhet fjalë për Mike Oziarbal, sulmuesin e Real Sociedad. 22-vjeçari është një nga talentet më premtues spanjollë dhe nën urdhrat e Pep Guardiolës, mund të shkëlqejë në Etihad.
