Nejmar Zhunior si gjithnjë është në qendër të vëmendjes. Braziliani është përfolur shumë kohët e fundit për një largim të mundshëm nga PSG, me rikthimin te Barcelona që shihej si destinacioni kryesor.
Gjithsesi, së fundmi ekipi parizien zyrtarizoi Leonardon si drejtorin e ri sportiv dhe ky i fundit duket se ka plane të tjera për Nejmar. Sipas asaj që raporton “RMC Sport”, braziliani nuk do ta lërë bashkombasin e tij të largohet nga kryeqyteti francez.
Leonardo duket se e konsideron thelbësor Nejmarin për sezonin e ardhshëm dhe sipas gjasave, sulmuesi do të mbetet në Paris.