Pasi zyrtarizoi Ermir Lenjanin, Sioni tashmë është i vendosur të blejë edhe Ledian Memushajn. Mesfushori i kombëtares sonë është një kërkesë e qartë e trajnerit Paolo Tramexani, i cili ia njeh mirë vlerat dhe rëndësinë në mesin e fushës.
Me kontratë deri në vitin 2021, Memushaj nuk lëviz dot pa marrëveshje me Peskarën, që kërkon një milion euro për kartonin e vlonjatit.
Sioni ofron deri në 500.000 euro, por menaxheri i Memushajt Mario Xhufredi po punon që të zhbllokojë gjithçka, sepse Memushaj nuk dëshiron të luajë në Serinë B.