Luhet “derbi i veriut”, dalin në treg biletat  

Java e dhjetë e Kategorisë Superiore rezervon një përballje mjaft interesante. Në “Elbasan Arena” Laçi do të presë Kukësin, në një sfidë mjaft interesante, që në vitet e fundit ka qenë plot rivalitet.

Edhe pse stadiumi i Elbasanit do të jetë shtëpia e Kukësit për këtë edicion, për këtë ndeshje verilindorët do të jenë udhëtues, pasi është skuadra bardhezi ajo që  konsiderohet si pritëse, kjo për faktin se kurbinasit po ndryshojnë tapetin dhe stadiumi nuk do të jetë gati dhe për pak javë.

Për ndeshjen e radhës janë publikuar dhe çmimet e biletave nga kompania “blinibileta.com”. në sektorin VIP një biletë do të kushtojë 600 lekë të reja, ndërsa në sektorët e tjerë të stadiumit, çmimi do të jetë 300 lekë të reja.