Mauro Ikardi është kthyer në një objektiv konkret të Juventusit. Sipas gazetarit italian Tankrei Palmeri, drejtuesit e klubit torinez kanë shpalosur kushtet e kontratës që ata mund t’i ofrojnë argjentinasit.
Një pagë vjetore neto prej 8.5 milionë eurosh dhe 3.5 milionë euro të tjera në formë bonusesh të bazuara në paraqitjet dhe arritjet e klubit. Kohëzgjatja e kontratës do të jetë për 5 sezone.
Interes për Ikardin ka shfaqur së fundmi edhe Mançester Junajtid. Në Angli kanë filluar të qarkullojnë lajme për një ndërrim Lukaku-Ikardi, por situata pritet të qartësohet në muajt në vazhdim.