Çështja Ikardi, presidenti i Juventusit takohet me Zanetin

0

Në Itali janë të bindur: Ikardi do të jetë lojtar i Juventusit në verë. Sipas asaj që raporton “CalcioMercato”, presidenti i Juventusit, Andrea Anjeli i ka kërkuar takim zv. presidentit të Interit, Havier Zaneti, për të nisur negociatat për transferimin e sulmuesit argjentinas.

Ikardi ka kaluar shumë ditë të trazuara te zikaltrit. Çështja e rinovimit është zgjatur shumë, me sulmuesin dhe drejtuesit e klubit që nuk kanë gjetur ende akordin. Për më tepër, Ikardit iu hoq dhe shiriti i kapitenit. Këto zhvillime të fundit, kanë bërë që e ardhmja e argjentinasit të vihet në dyshim.

Shumë zëra e çojnë ish-kapitenin e Interit te Juventusi, një lëvizje që mund të jetë më e bujshmja në verë. Bisedimet e para mes dy klubeve priten të nisin shumë shpejt dhe me Anjelin që është gati të paguajë, Interi thjesht duhet të vendosë së sa para mund të përfitojë.

You might also like
Leave A Reply

Your email address will not be published.