Besa e “blinduar” ndaj Lushnjes, Magani: Asnjë nënvlerësim kundërshtarit!

0

Për ndeshjen e javës së 20-të, te skuadra e Besës ka rikthime të të dëmtuarve dhe të pezulluarve. Kjo do të thotë se pesë titullarë do të jenë të gatshëm në sfidën e ditës së shtunë ndaj Lushnjes. Edhe pse në dukje kjo është një ndeshje e fituar nga kavajasit, trajneri Gugash Magani nuk e nënvlerëson skuadrën lushnjare.

Për SportEkspres.com, tekniku i skuadrës kavajase deklaron: “Dy javë pushim pa kampionat na mundësuan që Biba, Dikson e Cara thuajse janë të rikuperuar, ndërsa Çekiçi me Onuh e kanë mbyllur dënimin. Do të kemi edhe dy të skualifikuar, por mendoj se ekipi do të jetë i plotë në këtë sfidë me lushnjarët”.

“Synimi ynë është vetëm fitorja, pa e nënvlerësuar asnjëherë Lushnjen. Ajo në përbërjen e saj ka lojtarë shumë cilësorë, por objektivi ynë në këtë fazë të tretë është që t’i fitojmë të gjitha ndeshjet”, theksoi Magani në mbyllje.

AGRON KAJA

You might also like
Leave A Reply

Your email address will not be published.