Arbër Zeneli vazhdon të jetë një ndër lojtarët më të dalluar te skuadra e Heerenveen. Kalimi në kampionatin holandez ka rezultuar një lëvizje e shkëlqyer për 23-vjeçarin, i cili ka gati tri vite që merr minuta të rregullta te skuadra e tij.
Ecuria e mirë e sulmuesit anësor mbështetet dhe nga statistikat, ku Zeneli kryeson renditjen si lojtari më me shumë asiste për këtë fillim sezoni në “Eredivisie”, por edhe për të gjithë vitin kalendarik 2018. Në nëntë ndeshje të këtij sezoni, lojtari i përfaqësueses së Kosovës ka regjistruar 6 asiste tre më shumë së ndjekësit më të afërt, ndërsa për asistet brenda vitit 2018, Zeneli renditet i pari me 13 asiste, një më shumë se mesfushori i Ajaksit, Hakim Zijek.
https://www.instagram.com/p/BpJhXBKDUFb/?utm_source=ig_web_copy_link