Armatim i rëndë dhe gati për luftë, policia arreston 54 tifozë të Ajaksit!

0

Sonte në orën 21:00 luhet akti i dytë çerekfinal i Champions League mes Juventusit dhe Ajaksit në Torino. Në ndeshjen e parë të përfunduar me rezultatin 1-1 në Holandë ka pasur përleshje të dy tifozerive në ambjentet e jashtme të stadiumit. Edhe sot situata mbetet e nxehtë. Policia ka aktivizuar shumë forca për të ruajtur rendin në rrugët e qytetit.

Dy autobusë me tifozë të skuadrës holandeze janë ndaluar nga policia dhe pritet të kthehen në vendin e tyre. Në brendësi të mjeteve janë gjetur sende të forta si: shkopa bejsbolli, çekiçë, thika apo fishekzjarre.

Tifozët ishin përgatitur për një sherr masiv me kundërshtarët italianë, por fatmirësisht është parandaluar gjithçka. Raportohet se numri i të ndaluarve është 54 persona. Në Holandë ishte një numër dyfish të arrestuarish dhe policisë ju desh të ndërhynte me ujë me presion për të shpërndarë turmën.

You might also like
Leave A Reply

Your email address will not be published.