Agjenti i Lukakut i “shkel syrin” Italisë: Adhuron të eksplorojë, është rritur me Serinë A

0

Dëshira e Romelu Lukakut është transferimi në kampionatin italian të futbollit. Sulmuesi i Mançester Junajtid e ka shprehur më parë një gjë të tillë, që konfirmohet edhe nga agjenti i tij.

Andrea Pastorelo ka folur për të ardhmen e 25-vjeçarit për “Sky Sport”. Lojtari ka edhe tre vite kontratë me “Djajtë e Kuq”, por ëndrra e tij e madhe është që të provojë eksperienca të reja dhe futboll të ri, konkretisht transferimi në Itali.

Romelu është i përqendruar te faza finale e sezonit për momentin. Lufta për vendin e tretë dhe të katërt në Premier po bëhet shumë e fortë. Lukaku po luan sezonin e dytë me Junajtid dhe ka tre vite të tjera kontratë. Të shohim se çfarë do të ndodhë. Ai është një person që adhuron të njohë kultura të ndryshme dhe një tjetër lloj futbolli. Italia i pëlqen shumë. Kur ishte i vogël ndiqte Serinë A. Tani janë të gjithë dakord që Premier Liga është kampionati më i bukur në botë, por para disa vitesh Seria A ishte top dhe ëndrra e shumë futbollistëve të rinj”, përfundon agjenti i sulmuesit belg.

You might also like
Leave A Reply

Your email address will not be published.