Skuadra e Tërbunit ka siguruar matematikisht vendin e parë në Grupin A të Kategorisë së Dytë me fitoren e sotme në transfertë ndaj Tiranës B. Qëndrimi i klubit pukjan në Kategorinë e Dytë ka zgjatur vetëm një sezon dhe sezoni i ardhshëm i gjen sërish në Kategorinë e Parë.
Në 20 ndeshje të zhvilluara deri më tani, skuadra e drejtuar nga Oltion Kërnaja regjistroi 14 fitore, pesë barazime dhe vetëm një humbje. Rivaliteti nuk mungoi në këtë edicion, ku për kreun sëbashku me Tërbunin ishin në garë Luzi, Partizani B, Sopoti dhe Gramshi.
Zhvendosemi në Grupin B, ku llogaritë për vendin e parë janë ende të hapura dy ndeshje para përfundimit të kampionatit. Devolli kryesues mundi 4 – 1 Memaliajn dhe mban në një pikë diferencën me Shkumbinin, që ditën e sotme regjistroi një fitore me shifra 3 – 0 ndaj Skraparit.
Kategoria e Dytë
Grupi A
Luzi 5 – 1 Internacional
Tirana B 0 – 1 Tërbuni
Vllaznia B 2 – 1 Gramshi
Grupi B
Maliqi 3 – 2 Delvina
Shkumbini 3 – 0 Skrapari
Naftëtari 0 – 1 Albpetrol
Devolli 4 – 1 Memaliaj
