Pasi arriti të fitonte për herë të tretë rresht Champions Ligën në stolin e Realit të Madridit, Zinedin Zidan vendosi të largohej, ndërsa vazhdon të shijojë pushimet e tij. Shumëkush mendoi se trajneri francez kishte arritur maksimumin dhe preferonte të niste ndonjë aventurë të re, por nuk është kështu.
Rreth kësaj çështje ka folur dhe Ramon Kalderon, ish-presidenti i Realit gjatë viteve 2006-2009. Kalderon zbulon të vërtetën e largimit të trajnerit francez, i cili dëshironte largimin e Garet Bejl dhe jo të Ronaldos.
“Zidan dëshironte të mbante Kristiano Ronaldon në ekip dhe shitjen e Garet Bejl, ndërsa Florentino Perez bëri të kundërtën. Presidenti nuk e dëgjoi trajnerin, i cili vendosi të largohej”, zbulon Ramon Kalderon.