Lila zhvilloi një sezon fantastik, teksa u renditën në vendin e dytë në Ligën e parë franceze pas kampionëve të PSG-së. Sezonin e ardhshëm, ata do të luajnë edhe në grupet e Champions League dhe kërkojnë të ndërtojnë një ekip dinjitoz.
Përgatitjet kanë nisur dhe goditja e parë duket se do të jetë e bujshme. Siç raportohet nga mediat franceze, Lila ka arritur marrëveshjen me PSG-në për blerjen e Timoti Ueah.
Talenti u aktivizua në Skoci me Celtic pjesën e dytë të sezonit që po lëmë pas, ku pati disa paraqitje mjaft të mira. Marrëveshja është arritur në bazë të 10 milionë eurove. Kujtojmë, Timoti është i biri i legjendës Xhorxh Ueah.