Leo Mesi ishte ylli i fitores 4-1 që Barcelona arriti në Benito Villamarín kundër Betisit, sepse shënoi 3 gola dhe i dha një tjetër goditje kampionatit, që praktikisht është i katalanasve.
Argjentinasi shënoi një gol fantastik me goditje dënimi, i dyti i ndeshjes, por në minutën e 84-t erdhi momenti kulmor i sfidës, sepse fenomeni i Barcelonës shënoi një gol të pabesueshëm, që detyroi mijëra tifozët e pranishëm që të çoheshin në këmbë dhe të brohorisnin “Mesi, Mesi…!”.
Pas ndeshjes, “Pleshti” foli për televizionin Movistar, duke e pranuar se ka mbetur i befasuar nga ovacionet e tifozëve kundërshtarë: “Të them të vërtetën, nuk e mbaj mend të më ketë ndodhur diçka e tillë në karrierë. U jam mirënjohës të gjithëve. Sa herë luajmë në këtë stadium, na trajtojnë shumë mirë. Jam i lumtur për fitoren, ishte shumë e rëndësishme“.
“La afición del Betis se rinde ante Messi” https://t.co/ofkSwP8LeE
— Federico De Giorgio (@fededdg) March 17, 2019
Në lidhje me golat e ndeshjes, Mesi shprehet: “Nuk e di cili është më i bukuri. Pata fat që shënova, por mbi të gjitha më gëzojnë pikët. E dinim që kishim një shans të artë për t’u shkëputur në renditje dhe nuk mund të gabonim“.
Barcelona kishte shumë vite që nuk zbriste poshtë 50% zotërim topi, por ndodhi në Sevilje: “Betisi është një skuadër që di ta përdorë shumë mirë topin, e nis sulmin që nga portieri i vet. Megjithatë, luajtëm një ndeshje perfekte, edhe pa top ishim shumë të qetë dhe kishim rregull në lojën tonë. Tani gjithçka varet nga ne, titulli është pranë“.
The French commentator’s devilish laugh for Messi’s first and third goals, sums the ridiculousness perfectly. pic.twitter.com/tCmzDrgWLA
— keep it PG (@abhinav757) March 17, 2019