Rama: Jam i lumtur që fituam Kupën, për të ardhmen time do të shohim

0

Sulmuesi i Kukësit, Valdet Rama, ishte një nga lojtarët më të mirë në fushën e lojës në takimin kundër Tiranës. Pas mbarimit të ndeshjes, Rama foli për emsionin Gol pas Goli në Supersport, ku u shpreh:

EMOCIONET – “Së pari jam i lumtur që fituam Kupën. Për kombëtaren s’kam çfarë them më shumë. Jam një lojtar që dua të marr maksimumin çdo herë, sa herë që kam luajtur për Shqipërinë të gjithë e dinë se kam dhënë maksimumin në çdo ndeshje”.

PROBLEMI – “Në mëngjes pata disa probleme muskulore. M’u rikthyen pak gjatë ndeshjes, por më pas fillova të ndihesha mirë. Pjesën e dytë e filluam pak keq, na ka ndodhur shpesh kjo gjë gjatë sezonit, duhet të nxjerrim mësime nga gjëra të tilla”.

E ARDHMJA – “Për momentin s’kam folur me askënd. Për mua ishte e rëndësishme që shkoja diku ku mund të luaja. Më pas të shikojmë se ç’do të bëjmë”.

SUPERIORJA – “Shqipëria ka lojtarë të mirë e të talentuar. Kampionati po përmirësohet vit pas viti. Kam ardhur në një skuadër që më ka pritur shumë mirë dhe jam shumë i lumtur për këtë zgjedhje”.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.