Loris del në mbrojtje të Pogba: Nuk është faji i tij!

0

Pol Pogba duket se nuk po e shfaq veten si duhet në këtë fillim sezoni me Mançester Junajtid. Kritikat për francezin kanë qenë të shumta, por dhe marrëdhënia me trajnerin Murinjo ka qenë në tone mjaft të ashpra. Francezi gjithashtu nuk është më kapiten i Junajtid, pas problemeve me teknikun portugez.

Gjithsesi, në furtunën e kritikave që Pogba po merr, duket se shoku i tij në kombëtare, Hugo Loris ka dalë në mbrojtje të tij. Gardiani i portës së “gjelave” ka thënë se Pogba po gjykohet në mënyrë të padrejtë, pasi fakti që Mançester Junajtid nuk ka rezultate të kënaqshme nuk është për faj të mesfushorit.

“Nuk i shoh të gjitha ndeshjet e Mançester Junajtid, por Pogba kritikohet shumë për faktin se u transferua për një shumë të madhe në Angli. Disa herë njerëzit e kritikojnë atë në mënyrë të padrejtë. Ai tani është një lojtar i pjekur dhe e di se çfarë bën në fushë. Këtë gjë e tregoi në Kupën e Botës. Unë mendoj se performancat e Pogbas te Junajtid nuk janë aq keq sa thuhet dhe se nuk është faji i tij për momentin që po kalon ekipi”, përfundoi portieri francez.

You might also like

Leave A Reply

Your email address will not be published.